之前有網友說在機場有免費sim卡派, 我還半信半疑不相信. 誰知在機場過關後就見到這個booth, 果然真係免費! 仲有iphone 3G同4的sim卡選擇, 照顧周到呢! 雖然只有10M, 只是whatsapp的話都夠幾日用. 10M不夠用的話, 在便利店直接增值就可以了.
因為我們的酒店房沒有免費wifi, 又懶得走去lobby免費上網, 於是就乾脆增值100B直接在房上網用. 因為Evason Phuket & Bon Island遠離市中心, 速度方面就不能要求太高. 而且上載文字就可以, 相片的話就會超級慢~ 我們試過在Patong Beach用電話上載相片到facebook就ok, 比酒店快, 不過都係慢囉~~ 不過100B可以隨時上網仲想點??
泰國榴槤也是超便宜! 第一晚就買了大大一包回酒店吃, 好味! 大滿足!!
每次都要去吃Swensen's. 今次還是沒吃Dairy Queen, 希望下次可以試.
在Patong Beach最大的商場Jungceylon內, 地下有幾間做facial的店. 大王從沒做過facial, 既然299B可以做45分鐘facial massage, 就陪他一試吧! 洗面, 針清, Massage等步驟都有做, 幫我做facial那個姐姐經驗尚淺, 針清好痛, 其他手勢ok. 大王那位姐姐好似OK, 他表示針清完全唔痛, 不過他又沒做過facial實在難以比較.
本來今次想去兩家店做Massage: C&N 和 Emotion Day Spa, 可是陰差陽錯下, 只去了前者做Oil Massage, 300b/hr. 雖然只是很簡陋的一家店, 不過整體也是OK. 清潔程度可以接受. Walk-in就有位, 力度都幾好. 原以為Oil Massage比較溫和, 不會好似Thai Massage狂"拍"腰呀, 頸之類, 但最後都有幾下拍頸同腰, 爽~
好喜歡泰國街頭小吃Banana Pancake, 40B.
在我心目中, 泰國名物除雞飯外, 另一樣必吃的就是芒果糯米飯!! 在那個好流的weekend market買的, 芒果勁甜, 好吃!
今次泰愛布吉的行程分享就此為止, 大大感謝各位支持, 希望大家喜歡啦~~
沒有留言:
張貼留言